قالي شادي الابن الوحيد للنجمة سميرة سعيد في برنامج “لايف من الدوبلكس” الذي تقدمه الدمية الشهيرة أبلة فاهيتا واستضافت فيه سميرة سعيد.”في فترة كنت بسافر فيها وماما متعرفش بس كنت بعرف أكتر من بنت في نفس الوقت”، وهنا ردت سميرة سعيد: “ده بجد أنا طلعت مش فاهمة حاجة”.
أضاف: “قمت بتزوير توقيع ماما كتير لأن كنت ببقى عامل مشاكل كتير في المدرسة وفيه ورق مش عايزه يوصل لماما فكنت بخاف تعاقبني أو تشيل البلايستيشن فكنت بشوف التوقيع بتاعها وأعمل زيها بالظبط علشان المعلومة متوصلهاش”،وعلقت سميرة سعيد: “يا ابن الذين دا أنا بكتشف ابني لأول مرة.. يا حسن ما ربيت”.
وقال : “مرة سرقت العربية بتاعت ماما من وراها بالليل لأن كنت عايز أروح المول وخبطت العربية وصلحتها وعملت كل حاجة من وراها”، لتقول سميرة: “امتى ده أنا معرفش بس هعيد كل حساباتي”.
واظاف : “ماما كانت بتسافر كتير أيام المدرسة فكنا بنخلص المدرسة وأعمل حفلات في البيت”، لترد سميرة سعيد: “واضح أني نايمة على وداني”.