أعلنت الممثلة المغربية منال الصديقي عن خبر إصابتها بورم جديد في ثديها، الأمر الذي أعاد في ذاكرتها كل المعاناة والحزن الذي عاشته خلال تجربتها الاولى مع مرض السرطان٠
وقالت منال في هذا الصدد بعدما أخبرت جمهورها ومتابعيها بأن الورم هذه المرة هو حميد وليس فيه أي امر يستدعي الخوف أو القلق، ودونت في هذا الصدد عبر تقنية الأنستا سطوري وقالت: “من بعد آخر سطوري لي نزلت ولبارح توصلت ببزاف ديال الميساجات من عند الأصدقاء و الصديقات والمتابعين الأعزاء كيسولو فيا جاوبت على لي قدرت عليه و كان السبب ديالو أنني لقيت ورم فالثدي ديالي الثاني الي خلاني نقطع العطلة د العيد و نرجع كنجري لكازا باش نشوف أقرب موعد مع الدكتور ديالي فالرباط و ندوز عليه خصوصا أني أهملت الكنترول ديالي فالسنوات الأخيرة، الشيء الي خلاني نرجع بالذاكرة ديالي قبل ست سنوات و ندوز نفس المراحل فالكشف، و الفرق لي كان أن وقتها كانت ماما الله يرحمها واقفة معايا فكل خطوة فالمستشفى، و دابا كنت بوحدي الشيء الي خلاني نتحسر ونتألم نفسيا”٠
واختتمت كلامها بهذه الطريقة: “البارح جاتني النتائج ديال الماموغرافي جينيكو ماميغ و الإيكو أن الورم حميد وغير خبيث ومافيه خطر عليا في انتظار باقي النتائج المفرحة لباقي تحاليل الدم و المناعة وتحليلة أخرى نسيت ديالاش ودابا الحمد لله الأمور على ما يرام لحد الان، شكرا بزاف عائلتي أصدقائي والمتابعين الأعزاء على سؤالكم عني و رسائلكم و اهتمامكم ربي ما يضركم فصحتكم ولا حبيبكم ولا فقريبكم، و شكر خاص للطاقم الصحي الي كيهتم بالمواطن فكل الظروف”٠