صرحت الفنانة ليلى غفران بالسبب الحقيقي وراء غيابها عن الساحة الفنية، وفي هذا السياق أكدت بأنها قد تعرضت لغيبوبة مرضية بسبب جلطة في المخ تسببت في إصابتها بشلل كامل٠
وأضافت ليلى مؤكدة إلى وجود عدة أسباب وراء إصابتها بالجلطة أهمها أنها تكتم الغضب وتسامح من يسيء إليها، ما تسبب في تراكم الغضب بداخلها.
وخلال استضافتها في احد البرامج قالت ليلى: “كنت في غيبوبة مرضية، وحصل لي جلطة في المخ سببت لي شلل كامل، وعانيت كثيرا والحمد لله، وفوقت من الغيبوبة كأن ربنا بيقولي فوقي، وابتديت أشتغل وأعمل شوية الجلطة في المخ جات من أكتر من حاجة صعبة في حياتي، وكانت عبارة عن تراكمات من جوايا، وأنا من نوع الناس اللي مبعرفش أغضب وأطلع اللي جوايا، ودايمًا أكتم وأسامح أي حد بيسيء ليا، فحصل تراكمات لدرجة إني مرة واحدة حصلي غيبوبة فجأة، ودخلت المستشفى واتحجزت، لأني مبقيتش أقوم ولا أتحرك، وكنت بتعالج من الجلطة وبقيت حاسة كأني طفلة في الكلام وبتهيألي حاجات كتير من كمية الأدوية اللي كنت باخدها، وبقيت بشوف حاجات غريبة ورجعت طفلة وبقيت تاني كبيرة وأثرت معايا كتير أوي”٠
